Diferencies ente revisiones de «Allande»

Sígue-y un periodu poco conocíu, ye posible que pol so asitiamientu tuviera baxo'l control del [[reinu suevu]] y llueu del [[Hispania visigoda|visigodu]]. Les primeres referencies documentales son del [[sieglu X]], pero na so mayor parte considérense sospechoses de falsedá, pero yá nel [[sieglu XI]], ciertes xuntes eclesiástiques monástiques escomenzaron a dexar sentir la so influyencia económica y feudalizante nesta fastera. Rescampla l'influxu del [[Monasteriu de San Xuan Bautista de Corias|monasteriu de San Xuan de Corias]] que cuntaba en [[1044]] con una dote d'abondantes tierres ayandeses, pero habrá otros monesterios que cada vuelta atroparen más tierres, destacando asina, el de Santa María Zalón. Tamién el [[cabildru catedraliciu]] disponía de propiedaes na comarca demientres la [[baxa Edad Media]]. Nun faltaron los conflictos polos [[diezmu|diezmos]] del [[arciprestalgu]] d'Ayande y la ilesia d'[[Uviéu]], tenemos un exemplu cola ilesia de [[San Salvador (ilesia)|San Salvador]] d'Uviéu ente los años [[1262]] y [[1269]]. L'Obispu Pedru da a los homes del conceyu d'Ayande dependientes de la [[Ilesia Católica|Ilesia]], tolo que s'afaye na so propiedá pa que puedan "fazer poblu" imponiendo como [[fueru]] la cantidá de 110 [[maravedí]]es al añu, esti determín habría de xurdir efeutu pues pa [[1277]] apaez Ayande ente los pueblos del occidente asturianu qu'establez hermandá cola villa d'[[Avilés]] pa emprestar aida nel caltenimientu del orde nos sos territorios. Tamién hubo d'influyir nel desendolque del privilexu otorgáudau por [[Alfonsu IX de Lleón|Alfonsu IX]], yá qu'esti conceyu foi pasu na pelegrinación del [[camín de Santiago]].