Diferencies ente revisiones de «Lliga Hanseática»

Los miembros de la Lliga yeren los mercaderes de les ciudaes del norte d'Alemaña (la rexón aú se falaba el baxu alemán), así como les ciudaes aú estos mercaderes s'instalaron. Non toles ciudaes con comunidaes de mercaderes del norte d'Alemaña, sicasí, foron miembros de la Lliga; [[Emden]] (Alemaña), Memel (anguaño [[Klaipeda]], en Lituania), [[Vyborg]] (en Rusia) y [[Narva]] (en Estonia) nunca pertenecieron a ella. Los comerciantes, nostante, podíen provenir de ciudaes que nun teníen los privilexos d'autonomía municipal recoyíos na ''Deutsches Städtewesen'' (Llei de les Ciudaes Alemanes), otorgadadada pol emperador Otón I a finales del [[sieglu X]]; les úniques condiciones pa poder ser miembru de la Lliga yera ser nacíu de padres alemanes, almitir la xurisdicción de la llei alemana y tener conocimientos de los asuntos comerciales. Los sos miembros, poro, yeren mui heteroxéneos, y buscaben na Lliga coses distintes, pues mentantu qu'unos teníen el mayor enfotu nel ameyoramientu y crecimientu del comerciu otros apoyábense nella p'asegurase la mayor independencia posible de la nobleza llocal de la zona<ref>Hammel-Kiesow, Rolf. ''Die Hanse'' (n'alemán), p. 10-11. Beck, 2008. ISBN 3-406-58352-0</ref>.