Diferencies ente revisiones de «Escultura»

La principal distinción ye la qu'estrema la '''escultura de bultu redondu''', modelada en toa la so circunferencia y non xunida a denguna otra superficie (sacante, delles veces, una base o pedestal), y los '''relieves''', xunidos polo menos en parte a otra superficie de fondu. El relieve aveza a soclasificarse, en función del so gráu de proyecciónproyeición dende'l muru nel que se sofita, en [[baxurrelieve]], [[alturrelieve]] y, delles veces, en mediurrelieve. El relieve ye la forma avezada de representación escultórica de grupos con delles figures o con una estructura narrativa, difíciles de conseguir na escultura exenta, y ye la técnica habitual de representación tanto de la escultura arquitectónica, la que se presenta como adornu n'edificios, como de la escultura decorativa de pequeñu tamañu (cerámica, xoyería, adornos de metal...). La escultura en relieve puede decorar tamién [[estela|esteles]], llábanes verticales xeneralmente de piedra que tamién inclúin munches veces inscripciones.