Diferencies ente revisiones de «Democracia lliberal»

Unu de los aspeutos clave de la cultura democrática ye'l conceutu de "oposición lleal". Ésti ye un cambéu cultural especialmente complicáu d'algamar en naciones onde les transiciones de poder fixéronse históricamente por aciu la violencia. La espresión vien significar que toles partes comparten unos mesmos valores democráticos, de manera que un grupu políticu puede nun tar acordies con otru, pero debe siempres tolerar les sos idees y nunca intentar imponeles pola fuerza. Les rieglesregles de xuegu de la sociedá tienen d'animar a la tolerancia y civismu nos alderiques públicos. Nuna sociedá asina, el perdedores acepten la decisión de los votantes una vegada remataes les eleiciones, y dexen una tresferencia pacífica de poder. El perdedores tán seguros de que nun van perder nin la so vida nin la so llibertá, y que van poder siguir participando na vida pública. Nun son lleales a la política específica del gobiernu, pero sí lu son a la llexitimidá fundamental del Estáu y al procesu democráticu.