Diferencies ente revisiones de «Pelé»

1 byte desaniciáu ,  hai 1 añu
m
Iguo testu: -"riegla" +"regla"
m (Iguo testu: -"récord" +"récor")
m (Iguo testu: -"riegla" +"regla")
Pa la Copa Intercontinental, enfrentaríense al AC Milan de [[Gianni Rivera]], [[Giovanni Trapattoni]] y el so compatriota [[Amarildo]]. El primer partíu foi en San Siro, ganando'l Milan por 4-2 con Pelé anotando los dos goles del so equipu y mancándose pol marcaxe de Trapattoni. Na vuelta nel Maracaná, nin Pelé nin Zito xugaron, pero'l Santos ganó por 4-2, y nel desempate, ganó'l Santos por 1-0. Asina'l Santos tamién yera por segunda vegada campeón del mundu de clubes. Pa 1964 llegaba Julio Mazzei pa dirixir al Santos, dempués d'una gran xestión nel Palmeiras. La llegada de Mazzei amás de dar la Copa Rio-São Paulo (edición 1966), fadría que diera empiezu la segunda era dorada del Santos, con nuevos xugadores como [[Clodoaldo Tavares de Santana|Clodoaldo]], Manoel Maria y Ramos Delgado ente otros.
 
Sicasí, primero qu'esti periodu empezara en tola rieglaregla, tendría d'enfrentar primero la Copa del Mundu d'Inglaterra en 1966. Esta vegada la loxística pa la preparación de Brasil foi desastrosa. Primero porque se convocaron aprosimao unos 40 xugadores y más de la metá del continxente nun participaría nel Mundial. Segundo, les dos estrelles de Brasil [[Garrincha]] y [[Amarildo]] nun taben al nivel de diba 4 años. Ello ye qu'Amarildo se mancó nun amistosu preparatoriu. Tercero, estremó'l continxente en 4 equipos, lo cual fixo que nun hubiera unidá nel grupu. Cuartu, nun se tenía un llugar fixu d'entrenamientu, asina que se viaxó por tou Brasil, lo que fixo que la condición física de munchos nun tuviera al altor. Y quinto, el desalcuerdu y soberbia de los delegaos de la confederación brasileña que pensaben que solo amosaríen la copa a los otros países pa volvela a ganar.
 
Asina se viaxaba a Inglaterra, con un equipu mal preparáu, un desalcuerdu total de los dirixentes y cola mesma cantidá de xugadores que tendríen de ser la delegación brasileña. Asina se llegaba a Goodison Park en Liverpool el [[12 de xunetu]] de [[1966]] pa enfrentar a [[Bulgaria]]. Ganó Brasil 2-0 con goles de Garrincha y Pelé de tiru llibre, pero'l defensa Zhechev de Bulgaria castigó fuertemente a Pelé cometiendo toa clase de faltes que nun fueron pitaes pol árbitru. Como midida de prudencia, los dirixentes decidieron que nun xugara'l segundu partíu ante una nueva Hungría, que tenía a un grandiosu [[Flórián Albert]]. Brasil perdió 3-1. El siguiente partíu ante los portugueses d'[[Eusébio da Silva Ferreira|Eusebio]], sería fatal para Pelé por dos razones. Primero porque perdieron 3-1 y quedaron fuera del mundial en primer ronda. Y segundo porque Morais, un defensa de Portugal dexólu fuera del partíu con una violenta doble falta que l'árbitru nun pitó. Asina, Brasil tornaba a casa coles manes vacíes.