'''Méxicu''' (tamién ''Méxicu''<ref>''Cartafueyos Normativos. Nomes de los países del mundu y de les sos capitales y xentilicios'', Academia de la Llingua Asturiana, 2010; ISBN 987-84-8168-500-8</ref> ([[español]]: ''{{lang|es|México}}''; [[náhuatl]]: ''{{lang|nah|Mēxihco}}'' «en el ombligo de la luna»), nomáu oficialmente '''Estaos Xuníos Mexicanos''', ye un país d'[[América del Norte]]. Asitiáu na parte meridional del subcontinente, llenda al norte colos [[Estaos Xuníos d'América]], al sureste con [[Belize]] y [[Guatemala]], al este col [[golfu de Méxicu]] y el [[mar Caribe]] y al oeste col [[océanu Pacíficu]]. Ye'l decimocuartu país mayor del mundu, con alredor de dos millones de kilometros cuadraos d'estensión, y tien una población (INEGI, [[2010]]) de cuasique 112 millones de persones. Les más d'elles tienen como llingua materna l'[[español]], que ye la llingua nacional del país xunto con otres 67 llingües indíxenes<ref>{{cita web |url=http://www.inali.gob.mx/pdf/LGDLPI.pdf |título=Ley General de Derechos Lingüísticos de los Pueblos Indígenas |fechaacceso=11 d'abril de 2010 |autor=INALI |fecha=[[13 de marzu]] de [[2003]] |fechaacceso=7 de payares de 2010}}</ref> .
La presencia humana en Méxicu remóntase a 30.000 años [[Enantes del Presente|AP]]. Tres de dellos milenios de desarrollu cultural surdieron nel actual territoriu de Méxicu les cultures mesoamericanes, aridoamericanes y oasisamericanes. Nel [[sieglu XVI]] el so espoxigue foi interrumpíu pola llegada los españoles, que dominaron el país hasta [[1810]], cuando'l país entamó la llucha pola so independencia. Algamada esta, el país foi escenariu demientres el sieglu siguiente de delles guerres internes y invasiones foriatas, qu'afectaron fondamente la vida diaria de los mexicanos. El [[sieglu XX]] (especialmente la primer metá) foi, baxo la direición política ininterrumpida del [[Partíu Revolucionariu Institucional]], una época de gran espoxigue económicu.
