Foi fíu d'un notariu mantuano y l'octavu de los sos nueve fíos. Anque nació en Mantua col nome de pila de Gerolamo en 1491, dellos estudiosos piensen que nació en realidá en 1496. Al ingresar na [[orde de San Benitu]] en 1508 camudóse'l nome de pila a Teófilu. Estudió en [[BoloniaBoloña]] y n'entrando na orde vivió en diversos conventos del [[Vénetu]] hasta 1524, añu en que les disputes col so abá Ignazio Squarcialupi fixéron-y arrenunciar al vezu; trabayó entós como profesor particular y foi escoyíu como preceptor priváu de los fíos de Camillo Orsini y establecióse en Venecia. En 1534 solicitó la so realmisión na orde, que-y foi concedida, y coló a un monasteriu sicilianu. Volvió al continente en 1543, añu en que se retiró a Santa Croce de Campesio, l'actual [[Fracción xeográfica|fracción]] Campese del conceyu de Bassano del Grappa, onde morrió'l 9 d'avientu de 1544. La so tumba sigue inda en Campese.
