=== Especulaciones sobre l'orixe del nome Xixón ===
L'orixe del nome de Xixón suscitó abeyaná un intensu alderique ente los estudiosos. En data tan temprana como [[1899]], [[Miguel de Unamuno]] emitió yá'l so camientu según la cual la palabrapallabra remanaría del llatín SAXUM 'cuguruezu', lo cual tendría rellación coles carauterístiques xeográfiques del allugamientu de la ciudá, con un noyu primitivu asitiáu nel gran promontoriu de Cimavilla y nel que s'asitia'l cascu históricu. Otres interpretaciones de la dómina busquen l'orixe del términu en voces celtes como GY 'augua' + OM 'acorriada' (Bullet); HITO/HITON 'ḥitu' (Uría) o EGI + GON 'sitiu estrechu y abellugáu, altu y bonu' (Becerro de Bengoa). Basándose nuna función supuestamente militar del Xixón romanu, Sánchez Vicente propón la palabrapallabra SESSIO, qu'apruz n'espresiones como SESSIO LEGIONIS o IN SESSIONE LEGIONUM, teoría que reforzaría la presencia d'unes ''ares sestianes'' o ''sessianes'' que dellos autores asitien na Campa Torres y Sánchez interpreta como ''ares de la sessio'' o ''ares sessianes'', ye dicir, ''ares xixoneses''. Otres desplicaciones buscaren l'orixe del términu n'antropónimos como GEGIONUS, GEGION, SEGIUS (Manzanares); SASSONIUS (Schulze) o hipotéticos *IAIONUS, *IEIONUS (García Arias). D'otra banda, según caltién el filólogu Xosé Lluis García Arias, la identificación popular de Xixón cola Gigia citada por Ptolomeo en realidá nun tendría nada que ver cola urbe asturiana, ensinon que correspondería a una población asitiada no qu'agora ye'l territoriu llionés, quiciabes prósima al [[ríu Cea]].
