Abrir el menú principal

Cambios

Ensin cambiu de tamañu ,  hai 6 meses
m
Preferencies llingüístiques: -"acción" +"aición"
La '''guerra de Crimea''', conocida tamién na historiografía rusa como '''Guerra Oriental de 1853-1856''', foi un conflictu bélicu que [[Rusia]] perdió escontra la alianza formada por [[Francia]], [[Gran Bretaña]], l'[[Imperiu otomanu]] y el [[reinu de Cerdeña]]. La causa inmediata de la guerra foi la situación de les minoríes cristianes en [[Palestina|Tierra Santa]], que pertenecía al Imperiu otomanu. Francia defendía los derechos de los católicos, mentantu Rusia facía neto colos de los ortodoxos. La guerra hai que ponela nel contestu de decayencia que vivía l'imperiu otomanu, y na determinación franco-británica de nun permitir a Rusia ganar territorios y poder a costa d'elli. Rusia perdió la guerra, y así l'Imperiu consiguió una pausa de venti años na presión rusa empobinada a sacar provechu de la so decayencia. En Tierra Santa, pela so banda, los cristianos algamaron un estatus d'igualdá con respectu a los musulmanes, y los ortodoxos ganaron el control de les ilesies cristianes que los católicos-yos disputaban<ref>Figes, Orlando (2010). ''Crimea: The Last Crusade'', p. 415. London: Allen Lane. ISBN 978-0-7139-9704-0.</ref>.
[[Imaxe:Vernet_-_La_prise_de_Malakoff.jpg|right|thumb|200px|Soldaos franceses izando la so bandera tres de la rendición de Sebastopol. ''La prise de Malakoff'', d'Horace Vernet.]]
L'Imperiu otomanu declaró-y la guerra a Rusia n'ochobre de [[1853]], y sufrió una gran derrota que-y dio a Rusia el control del [[Mar Prietu]]. La llave d'esi control yera la base naval rusa de [[Sebastopol]], na [[península de Crimea]]. Los aliaos decatáronse de que si capturaben esa ciudá fadríense col control del Mar Prietu y ganaríen la guerra. Francia y Gran Bretaña entraron en guerra en marzu de [[1854]], y llevaron al Mar Prietu les sos armaes, mayor la francesa y daqué menor la británica. El sitiu de Sebastopol, que duró un añu hasta la so rendición el [[9 de setiembre]] de [[1855]], costó bien de vides pelos dos bandos, tanto poles accionesaiciones béliques como poles enfermedaes que se propagaron ente los sos exércitos. En cuantes Sebastopol cayó los países neutrales entamaron a xuntase a los aliaos, y Rusia, aisllada y con perspectives permales si siguía la guerra, pidió la paz en marzu de [[1856]]. Les disputes relixoses que sirvieron d'escusa pa la guerra arregláronse, y Rusia perdió'l derechu a tener barcos de guerra nel Mar Prietu y foi obligada a dá-yos gran autonomía a Moldavia y [[Valaquia]].
 
La guerra tuvo como escenariu principal a Crimea, con batalles menores n'[[Anatolia]], la rexón del Cáucasu, el [[Mar Bálticu]], el [[Mar Blancu]] y l'[[océanu Pacíficu]], y tuvo un impautu permanente visible anguaño. La guerra estimuló la nacencia de movimientos nacionalistes n'[[Ucraína]], [[Moldavia]], [[Bulgaria]], [[Rumanía]], Grecia, [[Turquía]], [[Azerbaixán]], [[Armenia]] y [[Xeorxa]]<ref>Gorizontov, Leonid E. (2012). ''The Crimean War as a Test of Russia's Imperial Durability''. Russian Studies in History 51 (1): 65–94.</ref>, y foi el primeru de los desencuentros ente Rusia y los países occidentales, que prollongáronse na [[Guerra Fría]] y vuelven a aparecer en [[2015]] cola secesión de Crimea d'Ucrania p'axuntase a Rusia, condenada polos países occidentales.