Diferencies ente revisiones de «Enrique VIII d'Inglaterra»

El papa respondió a estos acontecimientos [[Escomunión|escomulgando]] a Enrique VIII en xunetu de 1533. Siguió un considerable baturiciu relixosu. Apuráu por Thomas Cromwell, el parllamentu aprobó delles lleis que sellaron la fienda con Roma na primavera de 1534. La Llei de restricción d'apelaciones<ref>Statute in Restraint of Appeals.</ref> prohibió les apelaciones de les cortes eclesiástiques al papa. Tamién previeno que la Ilesia decretara cualquier tipu de regulación ensin previu consentimientu del Rei. La Llei de designaciones eclesiástiques<ref>Ecllesiastical Appointments Act.</ref> de 1534 decretó que los clérigos escoyíos pa obispos teníen de ser nomaos pol soberanu. La [[Acta de Supremacía|Llei de Supremacía]]<ref>Act of Supremacy.</ref> del mesmu añu, declaró que "el rei ye la única cabeza suprema na tierra de la Ilesia d'Inglaterra". La Llei de traiciones,<ref>Treasons Act.</ref> tamién de 1534, convirtió en [[alta traición]] castigada cola muerte desconocer l'autoridá del rei, ente otros casos. Al papa negáronse-y toles fontes d'ingresos monetarios como'l [[Denariu de San Pedro]].

 

Refugando les decisiones del papa, el parllamentu validó'l matrimoniu ente Enrique y Ana Bolena cola Llei de Socesión<ref>English Act of Succession.</ref> de 1534. La fía de Catalina, María, foi declarada ilexítima, y los descendientes d'Ana pasaron a tar na llinia de socesión real. Tolos adultos fueron obligaos a reconocer les previsiones d'esta acta; quien la refugaben yeren condergaos a prisión pa tola vida. La publicación de cualquier escritu alegando que'l matrimoniu d'Enrique con Ana yera inválidu sería consideráu alta traición.