Diferencies ente revisiones de «Puebla»

El Poder Lexislativo ye encarnáu pol [[Congresu del Estáu de Puebla]]. Ésti tien la facultá de promulgar les lleis específiques con vixencia nel estáu de Puebla, reformar les esistentes o derogar les que se consideren obsoletas. El congresu poblano ta conformáu por 41 diputaos que s'escueyen pa exercer el cargu por trés años. D'estos diputaos, 26 son electos por votu directudireutu nos distritos electorales locales en que s'estrema l'estáu y los restantes son nomaos por representación proporcional.<ref>''Representación proporcional'' ye un términu que designa una cuota de representantes asignada poles instituciones electorales en Méxicu sobre la base d'una llista de candidatos —esto ye, ''plurinominal''— rexistrada per cada partíu participante nes eleiciones y acordies con el númberu de sufraxos que llograren na votación.</ref> Acordies con la llexislación estatal, nengún partíu puede tener más de 26 diputaos.<ref>''Constitución'', Artículu 35.</ref> Solo pueden ser electos al Congresu del Estáu de Puebla los ciudadanos poblanos que sepan lleer y escribir, y que nun sían ministros de cultu relixosu nin formen parte de les [[Exércitu Mexicanu|fuercies armaes]], l'alministración pública, estatal o municipal. Nel casu de los militares y funcionarios del poder públicu (quitando al gobernador), pueden participar como candidatos siempres y cuando se dixebren definitivamente de los sos cargos.<ref>''Constitución'', Artículos 36 y 37.</ref>