Diferencies ente revisiones de «Persia»

A midida que los perses diben incorporando al so imperiu nueves zones, amosaben polítiques bien tolerantes. Los gobiernos locales cuntaben con miembros de les élites locales, los impuestos xeneralmente yeren menores, los perses teníen una gran tolerancia relixosa, ya inclusive lliberaron a munchos pueblos sometíos, como por casu los hebreos que se topaben deportaos en Babilonia. En munches zones onde antes taben en [[anarquía]], los perses tamién fueron bienveníos como los restauradores de les lleis. Les zones que se caracterizaron pol sofitu a los perses fueron sobremanera Palestina, una y bones los hebreos taben felices de cuntar con un gobiernu que respetara y sofitara la so relixón, y tamién la zona de Siria, especialmente les ciudaes fenicies, qu'amás de ser respetaes polos perses, estos apurriéron-yos nuevu mercaos per tierra y sofitaron el so desenvolvimientu naval. Tamién les zones d'Asia Central amosáronse adictes al gobierno persa yá que cuando l'imperiu se desmoronó eses zones siguieron la resistencia contra [[Alexandru Magnu]] per dellos años.

 

 

El sistema de gobiernu yera una monarquía absoluta hereditaria onde'l rei yera consideráu la forma antropomórfica de dios na tierra. El rei tenía de ser el meyor guerreru, como tamién el meyor cazador. Disponía d'un exércitu personal: los "[[Inmortales]]".