Diferencies ente revisiones de «Mutemuia»

== Biografía ==

Mutemuia yera esposa y madre primero que'l so home algamara'l tronu, cosa que yera daqué complicada, pos ocupaba'l quintu o sestu llugar na llinia socesoria. Cuando, por azares del destín, Thutmose IV llegó a rei, Mutemuia túvose que contentar con ser movida por dos princeses de sangre real ([[Nefertari (esposa de Thutmose IV)|Nefertari]] y [[Iaret]]), qu'ocuparon el cargu de [[Gran Esposa Real]], cosa qu'ella solo consiguiría a la muerte del so home.

Cuando Amenhotep III foi coronáu faraón tres el curtiu reináu de Thutmose IV, Mutemuia asumió la rexencia del neñu, d'apenes doce años, y alcordó col so posible hermanu Yuya el matrimoniu con Tiy, refugando les candidatures de les fíes nacíes del difuntu Thutmose IV colos sos dos grandes esposes reales (ye probable que Mutemuia guardáralos inquina por movela). Arrodiada de too tipu de luxos y llogrando el so suañu, reinar madre morrió a una avanzada edá a finales del reináu del so fíu.