*'''Itinerariu de saléu de los mares y tierres occidentales''': obra terminada en [[1575]] y dedicada a [[Felipe II]]. Esti manuscritu, calteníu na biblioteca del Muséu Naval, ye unu de los trataos de saléu y náutica más importantes y completos que s'escribieren nel [[sieglu XVI]]. El códice ta estremáu en tres librollibros y escritu en forma de diálogos ente un mozu que quier conocer l'arte del saléu y el pilotu del navío onde ta embarcáu. Por aciu estos amenos diálogos, Juan de Escalante va describiendo refechamente los carreros o rutes marítimes pa dir d'España a les Indies, esponiendo al empar les conocencies que se teníen na so dómina sobre saléu y náutica –[[astronomía]], [[Prácticu|pilotaje]], [[meteoroloxía]], [[cosmografía]], [[cartografía]], [[construcción naval]], etc.–, tou ello arriquecíu coles sos esperiencies y los sos propios estudios. A pesar de que'l Conseyu d'Indies aprobó la obra, una vegada consultaos los informes de los más destacaos pilotos y cosmógrafos de la Casa de Contratación de Sevilla, nun dieron al asturianu'l permisu pa imprimila por medrana a que los demás países, y sobremanera los pirates y corsarios, aprovechar de l'amplia información contenida nel llibru p'atacar con más ésitu a les flotes españoles que diben o veníen d'América. Habríen de pasar más de trescientos años por que'l tratáu fora editáu. Esta primer publicación, efectuada en [[Madrid]] en [[1880]], corrió al cargu de Cesáreo Fernández Duru, quien nun imprimió tol manuscritu, sinón namá'l Llibru Primeru, qu'ensertó nel tomu V de les Disquisiciones Náutiques. Más de cien año dempués, en [[1985]], el Muséu Naval de Madrid publicó, a lo último el manuscritu completu.
