Diferencies ente revisiones de «Hiperasturianu (rexistru)»

Dacuando l'emplegu del hiperasturianu solápase con un emplegu deficiente de les estructures propies de la llingua, por mor de que quien lu emplega nun ye [[falante maternu]] del idioma y carez de referente oral (por exemplu, laismu y loismu proveniente del castellán) y, poro, de criteriu pa refugar los términos que-y son estraños a la llingua. Nos últimos tiempos, hai series denuncies d'emplegu del hiperasturianu en Llión onde tamién se-y xunten rasgos carauterísticos como la [[diéresis enriba la "i"]] y delles otres incorreiciones llingüístiques. Toes elles carauterístiques comunes de la politización de la llingua y que-y son propies a los entamos d'un [[movimientu de normalización llingüística]].

 

Dende les más de les estayes académiques y sociollingüístiques, coincídese en considerar perxudicial pa la llingua el modelu hiperasturianu que pue dar una sensación de poca seriedá, d'artificialidá y, anque non d'un mou direutu, pue llevar arreyada la supresión de les formes y espresiones propies y tradicionales del asturianu.