|
En 1883 Fortunato de Selgas empecipió la construcción de la residencia de la familia denominada ''[[La Quinta (Cuideiru)|La Quinta de Selgas]]'' nunos terrenes heredaos de los sos proxenitores, propiedá a la que-y fueron añediendo otros terrenes onde la familia impulsó construcciones tales como la [[Ilesia de Jesús de Nazarenu (Cuideiru)|ilesia de Jesús Nazarenu]], les [[Escueles Selgas]], la Casa Rectoral y casar cuartel de la Guardia Civil; toes elles n'El Pito, nel conceyu de Cuideiru.
Fortunato dirixó xuntu col so hermanu tantu la construcción como la decoración del palaciu, dientro d'un estilu eclécticu d'influencia mayormente francesa. Asina mesmu entamó l'alquisiciónadquisición de numberoses obres d'arte empecipiando d'esta forma la impresionante colección d'arte de la familia, que contién obres de [[Francisco de Goya|Goya]], [[El Greco]], [[Tiziano]], [[Rubens]] o [[Picasso]] hasta un total de casi 200 cuadros de les escueles [[Pintura Italiana|italiana]], [[Pintura Francesa|francesa]], [[Pintura Flamenca|flamenca]] y [[Escuela española de pintura española]] de los sieglos XV al XVIII. Anguaño la ''Quinta de Selgas'' ta abierta como muséu y llegó a recibir 24.000 visites añales, magar suel cerrar en determinaos meses. Cabría señalar tamién que Fortunato fíxose construyir otra segunda residencia na ciudá de Xátiva con gran xardín, tou ello a imitación del so palaciu de Cuideiru. Les razones d'esti treslláu son debíes a que n'unu de los sos diversos viaxes per España en busca de monumentos mediavales quedó impresionáu pola antigua Catedral visigoda de Sant Feliu, y pol abondosu patrimoniu históricu-artísticu de la ciudá. Por tou ello, influyó na creación d'un Muséu Municipal, inesistente hasta la so iniciativa. A partir d'entós partía les sos estancies regulares ente Madrid, Asturies Y Xátiva. Tres el so fallecimientu, la so vilba colos sos fíos Ezequiel y Juan afitaron la so residencia en Xátiva, onde coles sos inversiones realizaron importantes negocios, como un gran hotel, un concesionariu d'automóviles, con taller,gasolinera y garaxe. Tamién favorecieron la instalación del Bancu d'España na ciudá ensin ser Capital de provincia, como yera'l requisitu habitual. Por tou ello la ciudá alzó en 1962 un gran xardín con monumentu en memoria de la familia Selgas-Marín, al pie de la denominación d'una de les principales aveníes de Xátiva col so nome, Avenida de Selgas.
Ente [[1912]] y [[1915]] Fortunato sufragó col so patrimoniu la restauración de la ilesia [[Prerrománicu|prerrománica]] de [[Santuyano de los Praos]], n'Uviéu.
|
