Diferencies ente revisiones de «Discu de vinilu»

Los discos de vinilu nun se rompíen fácilmente pero'l so nidiu material yera bono de rayar. El vinilu cárgase electroestáticamente con muncha facilidá polo qu'atrai polvu que ye malo de retirar. El [[polvu]] y los rascuños causen “clicks y pops” oyibles y podíen faer que l'aguya saltara escontra llinies más avanzaes del riegu o, peor entá, que saltara a llinies que yá percorriera creando un ciclu que se repite indefinidamente. Este ye l'orixe de la espresión “como un discu rayáu” la cual úsase pa referise a una persona que repite lo que diz de cutio. <ref>Shay Sayre, Cynthia King, ''Entertainment and Society: Influences, Impacts, and Innovations'' (2010), p. 558: "The phrase 'sounding like a broken record' has been used to describe a person who says the same thing over and over again; the reference is to old records that would skip and repeat owing to scratch marks on the vinyl."</ref> El saltu d'aguya yera daqué bien común qu'inclusive asocedía nes tresmisiones de radio.

 

 

Los discos de vinilu pueden ser deformados pol [[calor]], l'almacenamientu incorrectu, esposición a [[lluz solar]] o por defectos de fábrica como'l plásticu d'envoltura descomanadamente apertáu na cubierta del álbum. Un grau pequeñu de deformación yera común y los brazos de los tocadiscos taben diseñaos pa toleralo. Les variaciones nel tonu del audiu yeren productu de la deformación del discu o de que'l furacu del discu nun haya tao centráu correchamente. La práutica estándar pal cuidu de los LPs yera almacenar el discu nuna funda de papel o plásticu dientro de la funda orixinal, esto amenorgaba la entrada de polvu al riegu. Los senciellos, con delles esceiciones, veníen con cubiertes simples de papel pero ensin nenguna cubierta interna adicional.