Diferencies ente revisiones de «Discu de vinilu»

En 1901, introduciéronse discos de 10 pulgaes siguíos, en 1903, polos de 12 pulgaes. Estos podíen reproducir por más de 3 y cuatro minutos respeutivamente ente que los cilindros contemporarios algamaben aproximao dos minutos. Nun intentu de superar a la competencia, Edison introdució'l cilindru de Amberol en 1909 con un tiempu máximu de reproducción de 4 ½ minutos (a 160 RPM) que fueron siguíos polos cilindros de Amberol azul que cuntaben con una superficie de [[celuloide]], un plásticu, que yera más resistente. A pesar d'estes meyores, durante la década de 1910, los discos ganaron la guerra de los formatos, anque Edison siguió produciendo cilindros de Amberol azul, pa una vecería cada vez menor, hasta 1929. Pa 1919 yá habíen expiráu les patentes básiques pa la manufactura de los discos cortaos lateralmente abriendo les puertes a una tremera de compañíes que los produciríen. Los discos analóxicos apoderaríen el mercáu del entretenimientu en casa hasta que los discos compactos dixitales, introducíos en 1983, los remplazaran amodo.

 

[[Ficheru:Pathé Schallplatte.jpg|miniatura|left|175px|Discu húngaru Pathé de 90 a 100 RPM.]]