Diferencies ente revisiones de «Catón el Vieyu»

Cuando Catón yera inda bien nuevu, el so padre morrió dexándo-y en posesión una pequeñu heriedu consistente nunes propiedaes nel territoriu de los [[sabinos]], a poca distancia del so pueblu natal. Ellí Catón pasó la mayor parte de la so infancia entrenando'l so cuerpu por aciu esixentes exercicios, supervisando y dirixiendo les operaciones agrícoles de les sos propiedaes, aprendiendo cómo tenía de dirixir los sos negocios y estudiando les regles pertenecientes a l'agricultura rural. Cerca de les tierres de Catón, esistía una modesta cabana na qu'habitó [[Manio Curio Dentato]] tres la celebración de los sos trés [[trunfu romanu|trunfos]], que les sos proezas nel [[exércitu romanu]] y que'l so calter reciu y moralista permanecíen na memoria de tolos romanos. Dentato yera bien almiráu ente'l vecinderu y los sos proezas inspiraron a Catón, que decidió intentar asonsañar el so calter y algamar la so gloria colando a combatir a los [[cartagines]]es na [[segunda guerra púnica]] cuando corría l'añu 217 e.C. Esisten munches discrepancies tantu ente les fontes antigües como nes modernes en cuanto al entamu del serviciu militar de Catón. En 214 e.C. , Catón sirvió en [[Capua]] y l'historiador [[Wilhelm Drumann]]&thinsp;<ref>Wilhelm Drumann. ''Geschichte Roms, 6 Bde''. v. p. 99.</ref> teoriza que Catón yera nesi momentu, a la edá de veinteventi año, un pixín [[tribunu militar]]. [[Quintu Fabio Máximu Verrucoso]], qu'ostentaba'l mandu en Capua mientres el so cuartu consuláu, nun tardó en ver la valía de Catón y llabró una íntima amistá col mozu militar. Anque Fabio Máximu de cutio dicía-y a Catón que valoraba la so gran esperiencia militar, prefirió nun revela-y les sos auténtiques afinidaes polítiques coles mires de caltener al so llau a esti pervalible nuevu. Nel [[batalla de Tarento (209 e.C.)|sitiu de Tarento]] de 209 e.C. , Catón lluchó de nuevu al pie de Fabio y dos años más tarde, en 207 e.C. , Catón formó parte del selectu grupu qu'acompañó al [[cónsul romanu|cónsul]] [[Gayu Claudiu Nerón]] dende [[Basilicata|Lucania]] escontra'l norte de la [[península itálica|península]], coles mires de frenar la meyora de [[Asdrúbal Barca]]. Los antiguos escritos recueyen que Catón contribuyó a la decisiva victoria de los romanos na [[batalla del Metauro]], onde Asdrúbal resultó muertu. La noticia de la muerte de Asdrúbal llegó-y a los so hermanu [[Aníbal]] d'una manera despiadada: los romanos refundiaron la cabeza de Asdrúbal percima de les fortificaciones del campamentu del cartaxinés.{{sfn|Graves|1867|p=636-637}}