Diferencies ente revisiones de «Zona económica esclusiva»

Arriendes d'esto, los estaos tamién tienen derechos sobre'l fondu marín de lo que se define como la so plataforma continental hasta los 650 km de la so llínia de costa, más allá por tantu de la llende de la so zona económica esclusiva, pero menores a los qu'esfruta na so ZEE. La definición de plataforma continental nos alcuerdos políticos nun correspuende col significáu xeolóxicu del términu, pues inclúi tamién el fondu marín de toa esa estensión de terrenu magar que xeolóxicamente nun haiga plataforma continental nelli.

 

[[Ficheru:Map of the Territorial Waters of the Atlantic and Indian Ocean.png|miniaturadeimagen|440x440px|Mapa de les ZEE de los océanos [[Océanu Atlánticu|Atlánticu Sur]] ya [[Océanu Índicu|Índicu]].]]

La idea d'asignar zones económiques esclusives a les naciones pa dá-yos un mayor control sobre los asuntos marítimos más allá de les sos agües territoriales foi garrando puxu a finales del [[sieglu XX]]. Na so primer definición, les agües territoriales embaxu la soberanía d'un estáu estendíense hasta les trés milles náutiques, la distancia d'un disparu de cañón, de la costa; nos tiempos modernos estendiéronse hasta les 12 milles (22 km). Una de les primeres reivindicaciones de tener xurisdicción esclusivo más allá de la distancia tradicional a la costa fízola [[Estaos Xuníos d'América|Estaos Xuníos]] na nomada Proclamación Truman, de [[28 de setiembre]] de [[1945]]. Sicasí, foron [[Chile]] y [[Perú]] los primeros países que reclamaron zones marítimes de 200 milles, el primeru nuna declaración presidencial fecha'l [[23 de xunu]] de [[1947]] y el segundu, como respuesta a elli, al traviés d'un decretu presidencial datáu el [[1 d'agostu]] de [[1947]].