Diferencies ente revisiones de «Canis lupus»

Los llobos notres dómines algamaron a ser cosmopolites, pero la llucha escontra l'[[home]] polos mesmos recursos fízo que fuere estermináu y anguaño sólo s'atopa en fasteres mui reducíes de [[Norteamérica]], [[Eurasia]], y l'[[Oriente mediu]]. Prefier la [[viesca]], la [[tundra]], la [[taiga]], la [[meseta]] y el [[monte]]. N'[[España]] alcuéntrase al norte del [[ríu Duero]], siendo frecuente n'[[Asturies]], u nos caberos años amuesa un espardimientu. El mayor númberu d'exemplares ta na rexón de [[Provincia de Lleón|Lleón]] y nos montes del norte de [[Provincia de Zamora|Zamora]].

Son depredadores qu'actúen en manada, con una xerarquía mui ríxida, dirixíos polos nomaos machu y fema alfa. La manada pue variar ente 2 y 12 individuos, magar qu'hai rexistraos hasta 30 individuos. Tres los alfa, tán los beta hasta llegar a los omega según los estudios de los biólogos. Cuando un alfa ta vieyu, un beta más xoven suel ocupar el so llugar. Si la pareya alfa muerre lo normal ye la división de la manada. Les manaes nueves fórmense cuando un llobu dexa la suya y reclama un nuevu territoriu, magar que ye frecuente qu'esi territoriu ya te ocupáu y el conflictu seya inevitable. Esta conciencia de territorialidá quiciás desplique la predación de perros, al ser consideraos intrusos.

Sólo la pareya alfa pue reproducise. L'apareamientu asocede de [[febreru]] a [[mayu]]. La xestación ye de 63 díes. El llobu ye maduru sexualmente a los dos años.