Diferencies ente revisiones de «Alemaña»

El cine alemán foi especialmente influyente mientres los años de la República de Weimar colos expresionistas alemanes como [[Robert Wiene]] ''(El gabinete del Doctor Caligari)'' y [[Friedrich Wilhelm Murnau]]. La dómina nazi produció obres significatives como la película ''[[Barón de Münchhausen|Münchhausen]]'' (1943) o'l revesosu trabayu de la direutora [[Leni Riefenstahl]].Mientres el periodu 1970–1980 direutores como [[Volker Schlöndorff]], [[Werner Herzog]], [[Wim Wenders]], [[Rainer Werner Fassbinder]] asitiaron el cine alemán de vuelta na escena internacional coles sos películes de cutiu provocadores. Más apocayá, películes como ''[[Das Boot]]'' (1981), ''[[Lola rennt]]'' (1998), ''[[Good bye, Lenin!]]'' (2003), ''[[Contra la paré|Gegen die Wand]]'' (2004), ''[[Der Untergang]]'' (2004) y ''[[Das Leben der Anderen]]'' (2007) gociaron d'ésitu internacional.El [[Festival de Cine de Berlín]], celebráu añalmente dende 1951, ye unu de los festivales de cine más prestixosos. La ceremonia añal de los [[Premios del Cine Européu]] celébrase cada dos años na ciudá de Berlín, onde s'atopa la l'[[Academia de Cine Européu]]. Los estudios [[Babelsberg]], en Potsdam, son los más antiguos de gran escala nel mundu y constitúin un centru internacional pa la producción de películes.