Diferencies ente revisiones de «Plaga»

El conceutu de '''plaga''' evolucionó col tiempu dende'l significáu tradicional onde se consideraba plaga a cualesquier animal que producía daños, típicamente a los [[Productu agrícola|cultivos]]. Anguaño tien d'asitiase al mesmu nivel que'l conceutu de [[enfermedá]], de forma que tien d'entendese como plaga una situación na qu'un animal produz daños económicos, de normal físicos, a intereses de les persones (salú, plantes cultivaes, [[animales domésticos]], materiales o medios naturales); de la mesma forma que la enfermedá nun ye'l [[virus]], [[bacteria]], etc., sinón la situación na qu'un organismu vivu ([[patóxenu]]) causa alteraciones fisiolóxiques n'otru, de normal con síntomes visibles o daños económicos. Esti nuevu conceutu dexa dixebrar la idea de plaga de la especie animal que la produz, evitando establecer clasificaciones d'especies 'bones' y 'males', y facilitando la esplicación de por qué una especie ye beneficiosa nun llugar y perxudicial n'otru. Pa esplicar esto puédese poner l'exemplu del coneyu (''[[Oryctolagus cuniculus]]''), bien importante n'[[Europa]] como elementu fundamental del [[ecosistema]] mediterraneu ente que bien perxudicial n'[[Australia]]; la plaga nun ye'l coneyu ''per se'' sinón la situación que se produz en caúna de les rexones y los daños económicos que d'ella deriven.