[[Imaxe:Blason_Empire_Latin_de_Constantinople.svg|right|thumb|180px|Escudu d'armes del imperiu llatín de Constantinopla.]]
L''''Imperiu de Romania''' (en [[llatín]]: ''Imperium Romaniae''), nomáu davezu na historiografía como '''Imperiu llatín''' (en [[griegu clásicu|griegu]]: Λατινική Αυτοκρατορία) o '''Imperiu llatín de Constantinopla''', foi un estáu feudal fundáu polos cabezaleros de la [[Cuarta Cruzada]] en tierres que-y quitaran al [[Imperiu bizantín]]. Foi establecíu tres de la conquista de [[Estambul|Constantinopla]] en [[1204]], y duró hasta [[1261]]. El L'imperiu surdió cola idea de sustituyir al imperiu romanu bizantín como socesor verdaderu del [[Imperiu romanu]] nel este, con un emperador católicu en vez del ortodoxu que dirixía l'Imperiu bizantín. Baldwin IX, conde de Flandes, foi coronáu como'l primer emperador llatín, col nome de [[Baldwin I de Constantinopla|Baldwin I]], el [[16 de mayu]] de 1204. L'Imperiu llatín fracasó nel so intentu d'algamar la primacía ente los diversos estaos llatinos que s'establecieran d'aquella en tierras que foran bizantines, y dempués d'un periodu inicial d'ésitos militares bien ceo entamó a declinar. Debilitáu poles lluches continues colos búlgaros y colos bizantinos, foi ocupáu por estos últimos, dirixíos pol emperador [[Miguel VIII Paleólogu]], en 1261. El so caberu emperador, [[Baldwin II de Constantinopla|Baldwin II]], coló pal esiliu, y magar que l'imperiu desapaeció el títulu imperial sobrevivió, con varios candidatos a elli, hasta'l [[sieglu XIV]].