Diferencies ente revisiones de «Normes ortográfiques del asturianu»

Cola publicación en 1998 de la ''Gramática de la Llingua Asturiana'', van surdir dalgunes novedaes y ameyoramientos na normativa ortográfica, que van tar recoyíos depués tamién na quinta edición, agora col nome cenciellu de ''Normes ortográfiques''; destaquen l'apaición de los dígrafos «'''ts'''» y «'''yy'''», y l'enderechamientu de la ortografía con «'''-o'''» final nos alverbios y numberales, amás d'enantar l'apartáu sobro los grupos consonánticos.<ref>''Normes ortográfiques''; 5ª edición. Academia de la Llingua Asturiana, Uviéu, 2000. ISBN 84-8168-211-X.</ref> Publícase a finales del añu 2000, depués del asoleyamientu del ''[[DALLA]]''. Va tener dos ediciones posteriores, la sesta en 2005,<ref>''Normes ortográfiques''; 6ª edición revisada. Academia de la Llingua Asturiana, Uviéu, 2005. ISBN 84-8168-394-9.</ref> y la sétima en 2012,<ref>''Normes ortográfiques''; 7ª edición revisada. Academia de la Llingua Asturiana, Uviéu, 2012. ISBN 978-84-8168-532-9.</ref> que nun van ser otra cosa qu'una reimpresión ensin nengún cambéu bultable na normativa ortográfica.