[[Henri Becquerel|Becquerel]] afayó por esa dómina ([[1896]]) qu'elque l'[[uraniu]] emitía una radiación desconocío, la "radiación uránica". Rutherford publicó en [[1899]] un documentu esencial, nel qu'estudiaba la manera que podíen tener eses radiaciones de ionizar l'aire, asitiando al uraniu ente dos plaques cargaes y midiendo la corriente que pasaba. Estudió asina'l poder de penetración de les radiaciones, cubriendo les sos amueses d'uraniu con fueyes metáliques de distintes espesures. Diose cuenta de que la ionización empezaba menguando rápido conforme aumentaba la espesura de les fueyes, pero que percima d'una determinada espesura menguaba más sele. Por ello dedució que l'uraniu emitía dos radiaciones distintos, yá que teníen poder de penetración distintu. Llamó a la radiación menos caltriante radiación alfa, y a la más caltriante (y que producía necesariamente una menor ionización yá que travesaba l'aire) radiación beta.
En 1900, Rutherford cásase con Mary Newton. D'esti matrimoniu nació en [[1901]] la so única fía, Eileen.
