Diferencies ente revisiones de «Autor»

Nel so estudiu da cuenta de cuatro emplazamientos o llugares onde s'exerz la función-autor:

# El nome del autor. Ye un nome propiu y ye más qu'un simple designio, una indicación y una descripción. Tien una función clasificatoria, onde un nome arrexunta un determináu númberu de testos, los delimita y esclúi a otros.

# Rellación d'atribución. La función-autor nun ye igual en toles cultures nin en tolos tiempos y muncho menos en tolos discursos. Güei instauróse al autor como “el llugar orixinariu de la escritura” y ye el que dexa esplicar elementos de les obres lliteraries, resolver contradicciones o atopar respuestes a les entrugues qu'una obra pueda unviar. La rellación d'atribución puede reparase como influyida pola [[exéxesis]] cristiana, colos cuatro criterios de [[San Jerónimo]] como exemplu principal.

# Posición del autor. Nun testu atópense distintos signos qu'unvien al autor, como los pronomes, les declinaciones de los verbos, etc. Tales indicadores nun unvien al escritor real sinón al alter ego y na dixebra del alter ego col escritor ye onde s'atopa la función autor.