Diferencies ente revisiones de «Jöns Jacob Berzelius»

Berzelius nació en [[Östergötland]], en [[Suecia]]. Perdió a los sos padres a una edá temprana. Taba al cargu de los sos familiares en [[Linköping]], onde asistió a la escuela que güei se conoz como Katedralskolan. Darréu matriculóse na [[Universidá de Uppsala]], onde aprendió l'oficiu de médicu dende 1796 hasta 1801. Enseñó-y química [[Anders Gustaf Ekeberg]], el descubridor del [[tantaliu]]. Trabayó como aprendiz nuna farmacia y con un médicu nel balneariu [[Medevi]]. Mientres esti tiempu analizó l'agua del manantial. Pa los sos estudios de medicina, esaminó la influencia de la corriente galvánica en delles enfermedaes y graduóse como médicu en 1802. Exerció la medicina cerca de d'[[Estocolmo]], hasta que'l propietariu d'una mina, [[Wilhelm Hisinger]], afayó la so capacidá analítica y dotó-y d'un llaboratoriu.

Estudió les combinaciones de d'[[azufre]] con [[fósforu]], el [[flúor]] y los [[fluoruro]]s, determinó un gran númberu d'equivalentes químicos. Foi prácticamente'l creador de la [[química orgánica]]. Introdució les nociones y les pallabres [[alotropía]], [[catálisis]], [[isomería]], [[halóxenu]], [[radical orgánicu]] y [[proteína]]. Tan [[Filosofía|filósofu]] como esperimentador, consolidó la teoría atomística según la de les proporciones químiques; inventó y fixo aceptar universalmente fórmules químiques análogues a les fórmules [[álxebra|alxebraiques]] coles mires d'espresar la composición de los cuerpos. Pa esplicar los fenómenos adoptó la célebre teoría del dualismu electro-químicu, y con esta teoría llevó a cabu munches reformes na nomenclatura y na clasificación. Desenvolvió una teoría electroquímica alrodiu de los radicales. Tamién foi unu de los primeres que basó la mineraloxía na conocencia de los elementos químicos de los cuerpos. L'actual sistema de notación química adoptóse gracies a Berzelius, que foi quien lo propunxo en [[1813]]. Berzelius foi unu de los primeres que publicó una tabla de les [[masa molecular|mases moleculares]] y [[masa atómico|mases atómiques]] con exactitú aceptable.