Diferencies ente revisiones de «Magnoliophyta»

La estructura particular de les sos flores nun ye la única diferencia que tienen col restu de les espermatofitas, otros calteres morfolóxicos distintivos son: l'amenorgamientu del [[gametofito]] femenín a namái unes poques célules, la doble fecundación (cola formación d'un texíu nutritivo carauterísticu, triploide, llamáu [[endosperma]], de la que se fecunda al óvulu), y un [[xilema]] y [[floema]] distintivos, más recién que los del restu de les [[traqueofita|traqueofites]], y más eficientes en munchos aspeutos (anque'l xilema paez evolucionar yá dientro del [[clado]], siendo les anxospermes más primitives similares nos sos tubos xilemáticos a les [[gimnosperma|gimnospermes]]).

 

 

La diversificación que sufrió esti grupu ye estelante. Nel [[rexistru fósil]] apaecen a principios del [[Cretácicu]] (fai unos 130 millones d'años), momentu a partir del cual apaecen enormes cantidaes de fósiles d'especies bien diverses, como si apaecieren con tola so diversidá de golpe, lo que Darwin llamó nel so momentu un "abominable misteriu". Entá güei cerca del 90% de les plantes terrestres pertenecen a esti grupu. Con unes 257.000 especies vivientes (Judd ''et al.'' 2002), les anxospermes son les responsables de la mayor parte de la diversidá n'[[espermatofita|espermatofites]], n'[[embriofita|embriofites]] y en [[viridofita|viridofites]].