Diferencies ente revisiones de «Cuba»

'''Cuba'''{{cartafueyu}}, oficialmente '''República de Cuba''', ye un país d'[[América]] asitiáu nun [[archipiélagu]] del [[Mar de les Antilles]], tamién conocíu como [[Mar Caribe]]. Ye ún de los trece estaos independientes asitiaos nel mar Caribe, y ún de los 35 del continente americanu. El so territoriu organízase en quince provincies y un conceyu especial, siendo [[L'Habana]] la so capital y ciudá más poblada. Formen l'archipiélagu la islla homónima, la [[Islla de la Juventud|islla de la Juventud]] y más de mil isllotes qu'arrodien a dambes.

 

 

La islla de Cuba foi habitada polos [[siboney]], una de les tribus de los [[taíno]], dende'l [[IV Mileniu e.C.]] hasta la colonización española nel [[Sieglu XV|sieglu XV]]. De magar, el país foi una colonia española hasta [[1869]], y una provincia hasta la [[Guerra Hispano-Estauxunidense|Guerra hispano-estauxunidense]] de [[1898]], que finó cola ocupación de la islla polos [[Estaos Xuníos d'América|Estaos Xuníos]]. La islla consiguió la independencia nominal en [[1902]], magar que convirtiose nún protectoráu estauxunidense ''de facto''. La fráxil república tentó de reforciar, en [[1940]], la so estructura democrática, pero la creciente radicalización política y la conflictividá social culminaron nún [[Golpe d'Estáu|golpe d'estáu]] en [[1952]], que convirtió a [[Fulgencio Batista]] nel nuevu presidente, dictatorial, del país. La opresión y la corrupción del so réxime provocó un descontentu que cristalizó na aparición del [[Movimientu 26 de Julio]], que llegó al poder en xineru de [[1959]] y estableció, dempués, un réxime comunista dirixíu por [[Fidel Castro]]. De magar [[1965]] el país tien sío gobernáu pol [[Partíu Comunista de Cuba]]. Esto convirtiolu, demientres la [[Guerra Fría]], nún motivu de tensiones ente Estaos Xuníos y la [[Xunión Soviética]], qu'algamaron el so cumal en [[1962]], cuando la [[Crisis de los misiles en Cuba|crisis de los misiles en Cuba]] tuvo a punto de provocar una guerra nuclear.