Diferencies ente revisiones de «Liu Bang»

 

== La insurrección contra la dinastía Qin ==

 

Cuando Chen Sheng empezó la so rebelión, el maxistráu de distritu sopesó xunise a la insurrección, y siguiendo los encamientos de Xiao y de Cao Can (曹參) (daquella un funcionariu de les fuercies del orde del distritu), fixo unviar a Fan Ceng (樊噌), cuñáu de Liu Bang, pa convidar formalmente a Liu y al so grupu de bandoleros a qu'allegaren al distritu de Pei pa sumase a la rebelión. Fan Ceng llevó'l so mensaxe a Liu, quien aportó a treslladase a Pei, pero mientres el viaxe a Pei, el maxistráu camudó d'opinión y cerró les puertes de la ciudá. Tarreciendo que Xiao y Cao caltuvieren el so compromisu cola rebelión y abrieren les puertes a los homes de Liu Bang, el maxistráu ordenó executalos. Sicasí, Fan Ceng y Cao Can llograron fuxir, xuniéndose al grupu de Liu Bang, qu'abarganó la ciudá. Presumiblemente por idea de Xiao He, y al traviés de mensaxes llanzaos con fleches al interior de la ciudá cercada, el grupu rebalbu encamentó a los vieyos de la ciudá a desobedecer al maxistráu y aceptar la rindición de la ciudá. Estos aceptaron, asesinando al maxistráu y abriendo les puertes de la ciudá a los homes de Liu Bang, concediendo a este'l títulu de "Duque de Pei".