Diferencies ente revisiones de «Uviéu»

Na [[Revolución d'Asturies de 1934|revolución d'ochobre 1934]] llibráronse diez díes d'intensos combates dientro de la ciudá que l'afararon en bona parte: resultaron dañaos en mayor o menor midida, ente otros edificios, el de la Universidá, nel que la so biblioteca guardaba fondos bibliográficos d'estraordinariu valir que nun se pudieron recuperar, el Teatru Campoamor y munches cases particulares, especialmente de la zona de la cai Uría. La [[Cámara Santa d'Uviéu|Cámara Santa]] na [[Catedral d'Uviéu|Catedral]], pola so parte, foi dinamitada. Tovía ensin tener concluyío dafechu la reconstrucción de les zones afeutaes, la ciudá alcontróse cola sublevaciónsulevación del [[Fuercies Armaes d'España|Exércitu]] en [[1936]] que dio llugar a la [[Guerra Civil española|Guerra Civil]]. El [[Antonio Aranda Mata|coronel Aranda]] llevantóse, y foi la única ciudá de tol cantábricu que quedó en manes de los [[Bandu subleáu|sublevaossulevaos]], arrodiada dafechu por tropes y [[milicianu|milicianos]] lleales a la [[Segunda República Española|República]]. Pronto la ciudá quedó [[sitiu d'Uviéu|asitiada]], y asina permaneció per noventa díes hasta que l'exércitu franquista que venía de [[Galicia]] rompió'l cercu, creando un ''pasiellu'' que permaneció abiertu hasta la fin de la guerra nel norte, un añu dempués. Esto foi la fin de la guerra n'Uviéu, que nun volvió a sofrir más operaciones militares.<ref>{{cita llibru |apellíos=Fraser |nome=Ronald |enllazautor=Ronald Fraser (historiador) |títulu=Blood of Spain, An Oral History of the Spanish Civil War |añu=1979 |editorial=Pantheon Books |isbn=9780394489827 |páxines=238 y 239}}</ref> Nestos trés meses d'asediu, l'efeutu de l'[[artillería]] y de les lluches dientro de la ciudá foi la destrucción del 75% de la so capacidá d'agospiu. Dellos barrios, como ''El Campillín'', quedaron arrasaos y gran parte del patrimoniu cultural foi dañáu, quemáu o destruyíu. A partir de [[1941]] la ciudá s'acueye al Plan d'Urbanización o de Reconstrucción Nacional de [[Valentín Gamazo]], siendo'l cascu vieyu declaráu zona monumental en [[1955]]. Tres una prollongada etapa franquista, celebráronse les primeres eleiciones democrátiques el [[3 d'abril]] de [[1979]]. El [[24 de setiembre]] de [[1980]] créase la [[Fundación Príncipe d'Asturies]], qu'ente otres coses celebra los [[Premios Príncipe d'Asturies]] dende [[1981]].<ref>Historia d'Uviéu</ref>

Nel periodu de [[1972]] a [[2000]] la temperatura media añal foi de 12,9&nbsp;[[°C]], con agostu como'l mes más calurosu, con una media de 18,7&nbsp;°C, y xineru como'l más fríu, con 8,0&nbsp;°C de promediu.<ref>Valores climatolóxicos d'Uviéu</ref> Históricamente, la menor temperatura rexistrada na ciudá desque esisten mediciones ocurrió'l [[3 de febreru]] de [[1902]], cuando s'algamaron -10,4&nbsp;[[°C]]; la máxima s'algamó'l [[11 d'agostu]] de [[1870]], cuando'l termómetru xubió hasta los 38&nbsp;°C.<ref>Valores climatolóxicos máximos</ref> Nel periodu 1972 a 2000, el mes más lluviosu foi abril, con 109&nbsp;[[mm]], mentes que los menos lluviosos fueron xunu, xunetu y agostu, con unes precipitaciones medies de 52, 53 y 55&nbsp;mm respeutivamente; añalmente'l promediu s'asitió en 973&nbsp;mm. Tanta pluviosidá fai que la media d'[[Humedá del aire|humedá relativa]] s'asitie sobre'l 78% per tol añu, práuticamente ensin variación ente los meses. Nun son frecuentes los fenómenos meteorolóxicos estremos, nel periodu anterior la media añal de díes de d'[[ñeve]] foi de 5, concentrándose esclusivamente nos meses d'iviernu.