Diferencies ente revisiones de «Aleksandr Solzhenitsyn»

En 1950 foi treslladáu a un campu especial na ciudá de d'[[Ekibastuz]], en [[Kazakstán]], onde se xestó ''Un día na vida d'Iván Denísovich''. En 1962, [[Jruschov]], empeñáu n'alloñase adulces del [[estalinismu]], dio'l so laude por qu'apaeciera en ''Novy Mir'', revista lliteraria de mayor espardimientu del país; el relatu denuncia la vida de los condergaos nel [[Gulag]] y convirtióse nun ''best seller''. La xente faía cola p'adquirilo y l'obra provocó un alderique sobre l'estalinismu más grande de lo tolerable, de forma que dos años dempués torgóse que llograra'l [[Premiu Lenin]] y depués foi prohibida, anque se consiguía nel ''[[samizdat]]'' y otres formes clandestines d'edición. El llibru cunta un «bon» día na vida d'un presu nun campu del Gulag.