Diferencies ente revisiones de «Imperiu de Brasil»

Conocedores de los peligros y les torgues del gobiernu, los políticos de los años 1830 consideraben al emperador como la fonte principal de la l'[[autoridá]] indispensable tantu pal gobiernu como pa la supervivencia nacional.{{sfn|Barman|1999|p=317}} Sicasí, esta xeneración de políticos fueron sumiendo o se retiraron progresivamente del gobiernu hasta que, nos años 1880, foi práuticamente remplazada por un nuevu grupu de políticos que nun vivieren la rexencia nin los primeros años del reináu de Pedru II, cuando los peligros esternos ya internos amenaciaben la esistencia mesma de la nación. Ellos solo conocieren una alministración estable y la prosperidá.{{sfn|Barman|1999|p=317}} Contrariamente a aquellos del periodu precedente, los nuevos políticos nun víen nenguna razón pa defender el papel imperial como una fuercia unificadora beneficiosa pa la nación.{{sfn|Barman|1999|p=318}} El papel de Pedru II na realización de la unidá nacional, de la estabilidá y del bon gobiernu cayera totalmente nel olvidu per parte de les [[élite]]s dirixentes. Pola so humildá, l'emperador daba la impresión de qu'el so papel yera inútil.{{sfn|Barman|1999|p=XIV}} L'ausencia d'herederu varón que dexara implementar una nueva direición de la nación menguó igualmente les perspectives al llargu plazu de la monarquía brasileña. L'emperador quería enforma a la so fía [[Isabel de Brasil|Isabel]] pero envaloraba qu'una muyer nel poder yera imposible en Brasil. Consideraba que la muerte de los sos dos fíos varones yera una señal de que l'imperiu taba destináu a la desapaición.{{sfn|Barman|1999|p=262}} La resistencia a aceptar a una muyer a la cabeza del Estáu taba igualmente compartida pol ''[[The establishment|establishment]]'' políticu.{{sfn|Barman|1999|p=268}} Anque la constitución dexaba qu'una muyer aportara al tronu, Brasil yera un país bien tradicional y solo aceptara un socesor varón como xefe d'Estáu.{{sfn|Barman|1999|p=130}}