Diferencies ente revisiones de «Zachary Taylor»

Les medranes del sur cobraron urxencia nel intre: en 1850 el primeru d'esos nuevos estaos constituyíos en territorio antes mexicanu solicitó formalmente'l so ingresu na Unión: California. Amás, el nuevu estáu solicitó faelo como estáu llibre, yá que prohibiera la esclavitú nel so suelu. Cuidao que nun-y lo podía obligar a llegalizala, nin naide quería arrenunciar a esti nuevu estáu, el primeru na mariña Oeste d'Estaos Xuníos, la incorporación de California foi llueu un fechu, pero al preciu de volver impostergable por más tiempu l'alderique de la esclavitú, que mientres décades el Compromisu de Missouri diera por atayáu. L'aparente solución obvia yera almitir a California como estáu llibre, en cuenta de concede-y dellos futuros estaos al esclavismu. Presentóse un [[Compromisu de 1850|intentu de compromisu]] con concesiones a dambos bandos engarraos que Taylor nun quixo sofitar, y que quedaría pendiente d'aprobación hasta que'l socesor de Taylor dar.

 

 

Poro, acababa d'españar una grave crisis a cuenta de la esclavitú -consecuencia inmediata de la guerra llibrada con Méxicu mientres la presidencia de Polk- que yá nun unviaría pacíficamente. D'equí p'arriba, la crisis alrodiu de les llendes territoriales de la esclavitú diría siendo heredada d'un presidente a otru mientres el siguiente deceniu, cobraríase la vida del segundu sistema de partíos estauxunidense, amás de la de centenares d'esclavos y activistes favorables o opuestos a la esclavitú, y acabaría desaguando na Guerra Civil de 1861 a 1865, ensin que nengún alcuerdu, pactu o compromisu pudiera frenar esi descensu a los infiernos.