Diferencies ente revisiones de «Dinastía Joseon»

 

Mientres el gobiernu de Sejong, Corea vio meyores nes ciencies naturales, l'agricultura, la lliteratura, la medicina tradicional china y l'inxeniería. Por cuenta de tal ésitu, a Sejong dióse-y el títulu de "Sejong el Grande". <ref name="asiasociety">{{cite web|url=http://www.asiasociety.org/countries-history/traditions/king-sejong-great|title=King Sejong the Great And The Golden Age Of Korea|date=19 d'agostu de 2008|publisher=asiasociety.org|accessdate=27 de payares de 2009}}</ref> La contribución más recordada del Rei Sejong ye la creación del Hangul, l'alfabetu coreanu, en 1443; l'usu cotidianu del Hanja na escritura eventualmente foi superáu por Hangul na segunda metá del sieglu XX.

Dempués de la muerte del Rei Sejong, el so fíu Munjong siguió col legáu del so padre, pero llueu morrió d'una enfermedá en 1452, solu dos años dempués de la coronación. Foi asocedíu pol so fíu de doce años, Danjong. Sicasí, el tíu de [[Danjong de Joseon|Danjong]], Sejo, llogró'l control del gobiernu y finalmente depunxo al so sobrín pa convertise nel séptimu rei de Joseon en 1455. Dempués de que seis ministros lleales a Danjong intentaren asesinar a Sejo pa devolver a Danjong al tronu, Sejo executó a los seis ministros y tamién mató a Danjong nel so llugar d'esiliu.