Diferencies ente revisiones de «Imperiu chinu»

L'imperiu tempranu empecipió na [[Edá del Fierro]] cola unificación de China por [[Qin Shi Huang]] nel 221 a. C. Esti acontecimientu punxo fin a cinco siglo de guerres feudales qu'afararon la [[dinastía Zhou]] y el territoriu oriental de l'actual China. La curtia [[dinastía Qin|dinastía fundada por Qin Shi Huang]] introdució un gobiernu centralizáu sol sistema de [[monarquía absoluta]], lideráu pol [[emperador de China]]. Dempués d'abolir el [[feudalismu]] al pie de el so primer ministru, [[Li Si]], estremó'l so imperiu en 36 provincies rexíes por 3 gobernadores, unu de los cualos yera civil y otru militar. Coles mesmes, construyó redes de comunicación ente los distintos conceyos del imperiu. Tamién se produció una estandarización d'unidaes de too tipu, ente les cualos cabo destacar la de masa y la monetaria. El llargor de les exes de los carros pasó a tener un valor estándar y toa China pasó a rexise pol mesmu códigu de lleis. Magar toes estes reformes, quiciabes, la más significativa foi la unificación de la escritura. Tamién s'empezó la colosal obra d'inxeniería de la [[Gran Muralla China|Gran Muralla]].

 

 

Los Qin fueron ganaos nel añu 206 a. C. y fueron sustituyíos pola [[dinastía Han]], que gobernó mientres cuatro siglo y fixeron del [[confucianismu]] la ideoloxía del Estáu. Esti periodu terminó nel añu 220 d.C., cuando l'imperiu foi estremáu mientres la era de los [[Tres Reinos]] ([[Wei (reinu)|Wei]], [[Shu (reinu)|Shu]] y [[Wu (reinu)|Wu]]) y depués mientres la posterior yera de [[Dinastíes Meridionales y Septentrionales]], empezáu asina la era de desunión conocida como les [[Seis Dinastíes]], un periodu de 400 años de continua guerra que duró hasta que la [[dinastía Sui]] ganó a los sos rivales nel añu 589.