Diferencies ente revisiones de «Afrika Korps»

[[El Alamein]] ye una ciudá que falta 106 [[kilómetru|km]] d'[[Alexandría]] y del Delta del [[Nilo]], oxetivu de les fuercies xermanu-italianes. Sicasí, la puesta en marcha de la [[Fall Blau|Operación Azul]] na [[URSS]] provocó que'l centru d'atención abandonara África, y collo los suministros alemanes. Asina, l'exércitu de Rommel empezó a sufrir enormes problemes de suministru. Amás, el [[16 de xunu]] un convói angloestauxunidense llegó a [[Malta]] y punxo fin a los ataques aéreos alemanes sobre la isla. A finales de mes, los aliaos empezaron dende la islla una ofensiva contra los convóis de suministru de la Exa que se dirixíen al norte d'África, dexando a les tropes de Rommel práuticamente abandonaes, ensin suministros nin gasolina. Les tropes de Rommel llograron caltener les sos posiciones y el [[10 de xunetu]] empecipiaron una serie de pequeños contraataques. Auchinleck reorganizó a les sos tropes, agora muncho más numberoses y práuticamente con ilimitaos recursos, en redol a El Alamein, planiando l'ataque contra'l yá maltrecho Afrika Korps, exhausto y bien debilitáu de tantu combatir ensin fuelgu.

 

 

N'agostu, Auchinleck foi sustituyíu como comandante en xefe pol xeneral [[Harold Alexander]], y el [[teniente xeneral]] [[Bernard Law Montgomery]] tomó'l mandu en calidá de xefe d'operaciones de les fuercies del Desiertu Occidental, arrexuntaes en redol al [[Octavu Exércitu Británicu]] (conocíu como ''Los Aguarones del Desiertu''). Asina, Montgomery entamó un gran ataque contra la fráxil llinia defensiva de la Exa siguiendo'l patrón de «guerra de gastadura», llanzándolo'l [[23 d'ochobre]] empezando la [[Segunda Batalla d'El Alamein]]. El [[3 de payares]] Rommel ordenó lo que quedaba de les sos tropes y retiróse d'El Alamein.