Diferencies ente revisiones de «Historia de la química»

La contribución más importante del químicu alemán [[Friedrich August Kekulé von Stradonitz]] foi la so teoría estructural pa los compuestos orgánicos, resumida en dos artículos publicaos en 1857 y 1858 y desenvuelta en gran detalle na so popular obra ''Lehrbuch der organischen Chemie'' (''Manual de química orgánica''), que'l so primer tomu apaeció en 1859 y terminó teniendo cuatro volumenvolúmenes. Kekulé esplicó que los átomos de [[carbonu]] tetravalentes (que pueden formar cuatro [[Enllaz químicu|enllaces químicos]]) xúnense unos a otros pa formar cadenes, que denominó cadena de carbonos o carboesqueleto, y col restu de valencies pueden xunise a otros tipos d'átomos (como hidróxenu, osíxenu, nitróxenu y cloru). Taba convencíu de que yera posible atopar esta estructura en toles molécules orgániques, siquier en toles conocíes na dómina. Kekule nun yera l'únicu químicu de la dómina en creelo. El químicu escocés [[Archibald Scott Couper]] publicó una teoría similar casi coles mesmes, y el rusu [[Aleksandr Butlerov]] fixo enforma por clarificar y espandir la teoría. Sicasí Kekulé foi'l principal difusor de la teoría y les sos idees prevalecieron na comunidá científica.