Diferencies ente revisiones de «Chicago»

Contenido eliminado Contenido añadido
m Preferencies llingüístiques: efectu => efeutu
m iguo apostrofación
Llinia 55:
La ciudá, como la mayoría de les del país, sofrió dende entamos de la década de 1960 los efeutos del conocíu como [[blockbusting]], esto ye, la estratexa de los constructores y axentes inmobiliarios estauxunidenses pa convencer a los propietarios de raza blanca pa que vendieran so casa a preciu baxu asegurándo-yos que bien ceo'l so vecindariu diba enllenase de xente de minoríes étniques y mercaran una nos suburbios. Esto vació los centros de les ciudaes, y tamién de Chicago, qu'entamó a tener barrios segregaos por raza.<ref>Mehlhorn, Dmitri. ''A Requiem for Blockbusting: Law, Economics, and Race-Based Real Estate Speculation''. Fordham Law Review, 1998;67:1145–1161.</ref>A esto sumáronse cambios na estructura industrial, derivaos de la globalización y la esternalización del trabayu, que provocaron munchos despidos de trabayadores de baxa cualificación. En [[1966]] españó'l [[Movimientu pola Llibertá de Chicago]], una fola de protestes de la minoría afroamericana dirixida por [[Martin Luther King]] y [[Albert Raby]] que finó colos alcuerdos roblaos ente ellos y l'alcalde demócrata [[Richard J. Daley]]<ref>Lentz, Richard. ''Symbols, the News Magazines, and Martin Luther King''. LSU Press, [[1990]], p. 230. ISBN 0-8071-2524-5.</ref>.
 
El mandatu de Richard J. Daley, alcalde de 1955 a [[1976]], foi el de la construcción de la Sears Tower (agora nomada [[Willis Tower]], convirtiose en [[1974]] nel edificiu más altu del mundu), el campus de la Universidá de d'Illinois en Chicago, el [[McCormick Place]] (el mayor centru de convenciones d'América del Norte) o l'[[aeropuertu internacional O'Hare]]. En [[1979]] foi elexida alcaldesa la primer muyer que lo foi na ciudá, [[Jane Byrne]]. Demientres el so mandatu ayudó a que menguara la criminalidá con una política de vivienda pública y sacó al sistema escolar de la ciudá de la crisis financiera qu'atravesaba<ref>[http://www.chicagotribune.com/news/nationworld/politics/chi-chicagodays-byrne-story-story.html Dold, R. Bruce. ''Jane Byrne elected mayor of Chicago''. Chicago Tribune, 27 de febreru de 1979]</ref>.
En [[1983]] dio pasu na alcaldía al primer alcalde de raza negra de la ciudá, [[Harold Washington]]. Centró'l so primer mandatu n'atender les necesidaes de les persones d'escasos recursos económicos y de los barrios habitaos por minoríes étniques, y magar que foi reelexíu en [[1987]] morrió d'un infartu poco dempués. El so socesor foi [[Eugene Sawyer]], miembru del conseyu municipal escoyíu por esi conseyu hasta la celebración d'unes eleiciones especiales. Nelles trunfó [[Richard M. Daley]], fíu del que fora alcalde de la ciudá demientres venti años, con un programa qu'incluyía l'ameyoramientu de los parques y la introducción d'incentivos pa favorecer el desarrollu sostenible. Tres de ser reelixíu cinco veces, lo que fizo d'elli l'alcalde col mandatu más llargu de la historia de la ciudá, refugó presentase a la reeleición por séptima vez<ref>[http://content.time.com/time/nation/article/0,8599,2016992,00.html ''Chicago and the Legacy of the Daley Dynasty''. Time, 9 de setiembre de 2010.]</ref>. El so socesor, col 55% de los votos, foi l'antiguu congresista y xefe de gabinete de la [[Casa Blanca]] [[Rahm Emanuel]], d'orixe [[xudaísmu|xudíu]], que xuró'l cargu'l [[16 de mayu]] de [[2011]] y foi reelixíu pa un segundu mandatu el [[7 d'abril]] de [[2015]].