Diferencies ente revisiones de «Valdehijaderos»

En 1752, el Catastru d'Ancón detalla que Valdehijaderos tien 32 vecinos, de los cualos 4 son viudes y 8 solteros. De los sos 48 cases: 26 tán habitaes, 4 ensin moradores, 8 payares y 10 arruinaes. Tamién informa de que la llocalidá cunta, como bienes comunes, con una casa y una corrolada de Conceyu, una fragua y una devesa boyal.

 

 

Yá en 1845, el Catastru de Madoz rexistra 36 cases de mala construcción, formando cuerpu de población, habitaes por 25 vecinos, 81 almes. Descríbese como llocalidá con conceyu na provincia de Salamanca, partíu xudicial de Béjar y diócesis de Coria, asitiada nuna llomba a la izquierda del ríu Sangusín. Dizse que'l clima ye templáu y les enfermedaes más comunes son tercianas y cuartanas. El pueblu cunta con una fonte de que les sos agües usen los vecinos, una ilesia aneja de La Calzada, cola advocación de la Degollación de San Juan Bautista, y una ermita titulada de San Marcos. El terrén ye areniscu, secanu y d'inferior calidá. Los caminos conducen a los pueblos inmediatos. Produz: trigu, centenu, cebada, garbanzos, llinu, pataques y llegumes; hai ganáu lanar, cabrío, vacunu y de gocha y caza menor. Tien alcalde pedáneo y cuenta con un “pósito” (Almacén de cebera pa vencelo pa la llantadera o en tiempos de dificultaes).