Diferencies ente revisiones de «Tiy»

Anque Tiy nun tenía competencia posible al llau del faraón n'asuntos d'Estáu, tener (y muncha) más allá de la sala del tronu. Amenhotep III foi un rei bien ociosu que se dedicaba comúnmente a la caza y a la busca de nueves esposes y concubinas, polo que ye d'esperar que'l monarca tuviera amplia descendencia. Ignoramos qué pensaría Tiy de too esto, pero cuidao que yeren elles costumes d'entós, nun debió de fadia-y enforma. A lo último, yera la muyer más influyente de too el país, y nenguna otra podría competir con ella nin siquier pensar en suplantala. La so descendencia foi la única lexítimamente aceptada: tuvo siquier cinco fíos, anque ye posible que fueren munchos más, de nomes desconocíos.