Les [[revueltes mudéxares]] fueron numberoses a partir del sieglu XIII y provocaron la despoblación de delles zones (valle del Guadalquivir, norte d'Alicante), anque se caltuvieron n'otres, sobremanera nel Llevante, tanto castellán (Murcia), como aragonés (restu del reinu de Valencia -Denia, Xátiva, Segorbe-, ya inclusive nel valle del Ebro -Borja, Tarazona, Huesca, Teruel, Zaragoza, Calatayud-). A finales de la Edá Media representaben el 11% de la población de la [[Corona d'Aragón]].
La [[Guerra de Granada]] (1482-1492) apurrió la definitiva ampliación del conceutu de mudéxares a toos lestolos musulmanes peninsulares. En principiu les condiciones de la rindición dexába-yos el so continuidá y l'exerciciu de la relixón islámica, sicasí, l'incumplimientu de les condiciones apautaes per parte de los cristianos anició los primeros conflictos. A partir de la [[revuelta del Albaicín]] y [[revuelta de los mudéxares granadinos|la de los mudéxares granadinos]] en 1499, pol decretu de 1502 fueron obligaos a convertise al cristianismu, pasando asina a denominase [[moriscu|moriscos]], qu'a pesar d'ello siguieron col so costumes estremaes y l'exerciciu clandestín de la so relixón. La [[rebelión de les Alpujarras]] (1568) llevó a la dispersión de los granadinos pel interior de Castiella (non asina los de Llevante), y l'imposibilidá d'integración y la rocea a la so connivencia colos pirates berberiscos y l'Imperiu turcu llevó a la decisión de la [[espulsión de los moriscos]] en 1609, anque los sos efeutos reales fueron escasos.<ref>"... ''volviéronse cuantos moriscos salieron, pola bona voluntá con que xeneralmente los reciben tolos naturales y tapar les Xusticies''", El conde de Salazar -responsable de les espulsiones-, en Carta a Felipe III con fecha del 8 d'agostu de 1615.</ref>
