Diferencies ente revisiones de «Alanos»

Pa intentar aldovinar la zona de la que fala, hai que saber qu'el [[ri]] chinu del periodu Han difier de les unidaes básiques de distancia del SI, una y bones un [[ri]] equivalía a 415,8 metros. El «Gran Banzáu» puede ser o bien un cabu del [[mar d'Aral]], que ta asitiáu non bien llueñe de Kangju (ente Taxkent y [[Aralsk]] hai alredor de 866 km); o bien les tierres húmedes del delta del [[Danubiu]], una torga enorme que entorpecía a los pueblos nómades que queríen internase al oeste; o bien los entá más impresionantes banzaos del Pripet, nes actuales [[Bielorrusia]] y [[Ucraína]]. D'esa manera, a principios del sieglu I, los alanos ocuparen les tierres al nordésnordeste del [[mar d'Azov]] a lo llargo del [[ríu Don]]. Les fontes escrites suxuren qu'ente la segunda metá del sieglu I hasta'l sieglu IV, los alanos teníen la supremacía de les tribus y crearíen una poderosa confederación de tribus sármatas. Los alanos supunxeron un problema pal [[Imperiu romanu]], yá que efectuaben incursiones tantu nel [[Danubiu]] como nes provincies del Cáucasu mientres los sieglos  II ya III.