Diferencies ente revisiones de «Tecneciu»

El tecneciu y el promecio son elementos llixeros pocu convencionales, yá que nun tener isótopos estables. El porqué d'esti fechu ye daqué complicáu. Usando'l [[modelu de la gota líquida]] pa los nucleos atómicos, puede llograse una fórmula semi-empírica pa la enerxía d'enllaz d'un nucleu. Esta fórmula prediz un "valle d'estabilidá beta" según qué [[núclidonúclidos]]s nun sufren desintegración beta. Los núclidos que devasen les fronteres del valle tienden a desintegrarse con emisión beta, dirixiéndose escontra'l centru del valle (emitiendo un electrón, un [[positrón]], o prindando un electrón). Pa un númberu fixu de nucleones A, les enerxíes d'enllaz tán descrites por una o más [[Parábola (matemática)|paráboles]], col núclido más estable no fondero. Puede haber más d'una parábola porque los isótopos con un númberu par de protones y un númberu par de neutrones son más estable que los isótopos con un númberu impar de neutrones y un númberu par de protones. Una sola emisión beta tresforma, poro, un núclido d'un tipu nun núclido del otru tipu. Cuando namái hai una parábola, namái puede haber un isótopu estable que la so enerxía ye descrita pola mesma. Cuando hai dos paráboles, esto ye, cuando'l númberu de nucleones ye par, puede asoceder (raramente) qu'haya un nucleu estable con un númberu impar de neutrones y un númberu impar de protones (anque esto namái asocede en cuatro casos). Sicasí, si esto asocede, nun puede haber isótopos estables con un númberu par de neutrones y un númberu par de protones.