Diferencies ente revisiones de «Cosmo Gordon Lang»

 

Lang amosóse favorable a les [[Conversaciones de Malinas]] de 1921-26, anque nun tuvo direutamente implicáu nelles.<ref>Lockhart, p. 280</ref> Trátase de xuntes informales ente líderes anglu-católicos británicos, procedentes de la llamada [[High Church]], y reformistes católicos europeos, nes que se trataben les posibilidaes de comunión ente la Ilesia Católica de Roma y la Ilesia Anglicana. Anque los alderiques teníen la bendición de [[Randall Davidson]], l'arzobispu de Canterbury, munchos de los anglicanos [[Evangelicalismo|evanxélicos]] sintiéronse sollertaos por ellos. N'última instancia, les conversaciones fracasaron pola firme oposición de los [[ultramontanismo|ultramontanos]].<ref>Hastings, pp. 208-11</ref> Un efeutu d'estes conversaciones pudo ser l'espertar de la oposición a la revisión del [[Llibru d'Oración Común|llibru d'oración]] anglicanu. L'oxetivu d'esta revisión, que cuntaba col sofitu de Lang, yera faer concesiones a los rituales y práutiques anglu-católiques nel serviciu anglicanu. El nuevu llibru d'oración foi aprobáu de manera apolmonante pol órganu llexislativu principal de la Ilesia, el [[Sínodu Xeneral de la Ilesia d'Inglaterra|Sínodu Xeneral]] y pola [[cámara de los Lores]]. Sicasí, en parte al traviés de la influencia evanxélica del [[Ministru del interior]], Sir [[William Joynson-Hicks]], la revisión foi refugada dos veces na [[Cámara de los Comunes del Reinu Xuníu|Cámara de los Comunes]], n'avientu de 1927 por 238 votos contra 205 y en xunu de 1928 por 266-220.<ref>Hefling, p. 242</ref><ref>McKibbin, p. 277</ref> Lang sintióse fondamente decepcionáu por esti refugu, del qu'escribió que «les rabaseres de convencimientos, barruntos, medranes [y] prexuicios protestantes barrieron al traviés de la cámara y finalmente impunxéronse».<ref>Lockhart, p. 308</ref>

El 26 d'abril de 1923 el rei [[Jorge V del Reinu Xuníu|Jorge V]] concedió a Lang la [[Real Cadena Victoriana]], un honor y regalu personal del soberanu<ref>{{cita publicación|issue=32819|páxina=3135|títulu=The London Gazette|títulu-trad=La Gazeta de Londres|fecha=1 de mayu de 1923|accessdate=5 de mayu de 2009}}</ref> Dempués de la boda del [[Jorge VI del Reinu Xuníu|Duque de York]] en 1923, Lang ganóse l'amistá de [[Elizabeth Bowes-Lyon|la Duquesa]], rellación que se caltendría los restu de la vida de Lang. En 1926 [[bautismu|bautizó]] a la princesa Isabel, la futura reina [[Sabela II del Reinu Xuníu|Sabela II]], na capiya privada del [[Palaciu de Buckingham]].<ref>{{cita noticia|apellíu= Morgan|nome= Christopher and Keenlyside, Sarah|url= http://www.timesonline.co.uk/tol/news/uk/article1163996.ece|títulu= Queen Mother letters reveal abdication blow|obra= The Sunday Times|fecha= 28 de setiembre de 2003|fechaaccesu = 6 d'agostu de 2009 | ubicación=Londres}}</ref> En xineru de 1927 Lang presidió la ellaborada ceremonia que marcó'l 1.300 aniversariu de la fundación de la [[Catedral de York]].<ref>Lockhart, pp. 296-97</ref>