Diferencies ente revisiones de «Estanislau Figueras i de Moragas»

ensin resume d'edición
La proclamación de la república foi una sospresa, porque la mayoría los diputaos yeran monárquicos. El gobiernu de Figueras incluyía, mayormente, a federales y progresistes que ya teníen sío ministros durante la monarquía, y nun contaba col apoyu de la población, emprobecida pola crisis económica y cabreada porque la obligaben (había serviciu militar obligatoriu) a dir lluchar a [[Cuba]], nin tan siquier de toos los republicanos. Ansina, el propiu presidente de l'Asamblea Nacional, el [[Partíu Radical|radical]] [[Cristino Martos]], intentó, per aciu d'un golpe d'Estáu, implantar una república unitaria. El golpe del [[23 de febreru]] fracasó, y toos los progresistes del gobiernu foron sustituyíos por ministros republicanos federales, qu'aprobaron la suspensión del serviciu militar obligatoriu.
 
Figueras, mentantu, amosaba cierta debilidá como xefe de gobiernu, y sólo pol apoyu de [[Francisco Pi y Margall|Pi y Margall]], alma verdadera d'aquel gobiernu, logró caltenese como cabezaleru del mesmu. La situación, amás, empeoraba día tres día: el [[9 de marzu]] consiguió evitase la proclamación del [[Estat Català]] dientru la República Federal Española, hebo un segundu intentu de golpe d'Estáu n'abril... Pa remedialu Figueras disolvió'l gobiernu y convocó Cortes Constituyentes el [[1 de mayu]].
 
Les eleiciones foron el día 10, y nelles los republicanos federales sacaron, nunos comicios con una participación perprobetaya, la mayoría absoluta. El [[1 de xunu]] abriéronse les sesiones de les Cortes que, el día 8, aprobaron qu'España se convertía nuna república federal. Al día siguiente Figueras dimite, y marcha pa Francia fartucu de too (llegó a gritar «Senyors, ja no aguanto més. Vaig a ser-los franc: estic fins als collons de tots nosaltres!» nuna reunión del conseyu de ministros). El día 11, demientres que se preparaba otru golpe d'Estáu, Pi y Margall (que dixo na so investidura que nun tenía programa de gobiernu y que nun sabía qué diba facer) foi nombráu sucesor de Figueras.
Esti, tras pasar dellos meses en [[Francia]], volvió pa España pa intentar xuntar los distintos grupos republicanos... anque sólo llegó a tiempu de ver cómo cayía la República, el [[29 d'avientu]] de [[1874]], col golpe d'Estáu del xeneral [[Arsenio Martínez Campos|Martínez Campos]]. Nos años de la Restauración menguó muncho la so activídá política, anque en 1880 funda, d'acordies con [[Manuel Ruíz Zorrilla|Ruíz Zorrilla]], esiliáu'n [[París]], el Partíu Republicanu Federal Orgánicu. Nun tuvo tiempu, por embargu, de velu espolletar, porque morrió, a los 63 años d'edá, en 1882.
 
Al tiempu españaba'l movimientu cantonalista, les cortes constituyentes elixeron el [[9 de xunu]] como presidente a [[Pi y Margall]] pola incapacidá de Figueras. Esti fuxe pa [[Francia]], pa tornar en pocu tiempu, col envís de xunir les diverxentes idees republicanes ensín ésitu nengún. En [[1880]] funda'l Partíu Republicanu Federal Orgánicu, d'acordiu col exiliáu parisín [[Manuel Ruíz Zorrilla|Ruíz Zorrilla]]. Estanisláu Figueras morrió en [[Madrid]], a los 63 años d'edá, en [[1882]].
 
==Referencies==
21 040

ediciones