Diferencies ente revisiones de «Diadema de Moñes»

A esti respectu ye de resaltar la gran cantidá de reminiscencies de mitos célticos que presenta la diadema: La figura humana cornuda sosteniendo dos grandes calderos ye bien similar a aquélla del calderu de Gundestrup na que puede reparase a una divinidá introduciendo guerreros muertos nel calderu que darréu salen d'él. En realidá, dambes escenes son reflexu del arquetipu célticu del calderu de la rexeneración, qu'apaez n'ensame de relatosrellatos tantu de la mitoloxía irlandesa como de la galesa. Nesti sentíu, unu de los dioses más importantes del panteón d'[[Irlanda]], el [[Dagda]], tenía un calderu que tenía la propiedá d'apurrir comida perenal y de restaurar la vida, y que foi traíu polos [[Tuatha Dea Danann]] de la ciudá de Murias. El caudiellu británicu [[Bran el Benditu]] tenía nel so poder un calderu similar que dexaba resucitar la los guerreros muertos na batalla cola particularidá de qu'una vegada vueltos a la vida, los homes quedaben privaos del poder de la fala. Nel poema ''Preiddeu Annwfn'', unu de los más antiguos del ciclu artúrico, nárrase'l descensu d'[[Rey Arturo|Arturo]] y los sos compañeros a Annwn, el inframundo galés, en busca del calderu de la bayura, que per otra parte ye l'antecedente paganu del [[Grial]] de les lleendes artúricas.