Diferencies ente revisiones de «Territorios Palestinos»

La non aceptación del alcuerdu del plan de partición de la ONX de [[1947]] foi la xustificación que sirvió al incipiente estáu xudíu, yá respondíu por pola comunidá internacional, pa nun respetalo tampoco y dir más allá de les fronteres impuestes na mesa de negociaciones. Los palestinos renegaben d'él porque para ellos significaba apurrir el control de más de la metá del territoriu a menos d'un terciu de la población cuando lo cierto ye qu'ellos yeren los dueños llegales de la mayor parte de les tierres palestines antes de los alcuerdos de partición. Per otra parte los líderes xudíos aceptaron l'alcuerdu como un bon puntu de partida pa la creación d'un estáu xudíu. Estáu que tenía de tener una amplia mayoría xudía lo cual nun yera la realidá demográfica de la rexón. Estos fechos llevaron a un recrudecimiento de la violencia. L'inevitable enfrentamientu dáudau l'evidente conflictu d'intereses resolvióse a favor de los xudíos, muncho meyor armaos y entamaos, lo que traxo la espulsión de gran cantidá de palestinos de los territorios qu'habitaben creándose, de magar, la problemática entá actual y de mala solución de los [[refuxaos palestinos]] (vease [[Nakba]]). La destrucción completa de numberoses aldegues palestines y el reflundiu pola fuercia de les sos tierres llevaos a cabu con una precisa planificación previa lleven a munchos historiadores actuales a considerar esti episodiu como una [[llimpieza étnica]] entamada.