Diferencies ente revisiones de «Sancho de Noreña»
Páxina creada con « thumb|150px|Escudu d'armes de Sancho de Noreña, primer conde d'[[Odemira.]] '''Sancho de Noreña''' (m. 1471) o Sancho de Noron…» |
(Nun hai diferencies)
|
Revisión a fecha de 11:20 24 feb 2020
Sancho de Noreña (m. 1471) o Sancho de Noronha en portugués, foi un noble y militar portugués tituláu primer conde d'Odemira (1446), destacáu pol so cargu de gobernador y capitán xeneral de Ceuta ente 1450 y 1460, cuando ésta yera plaza portuguesa.
Biografía
Foi'l tercer fíu de Alfonso Enríquez, conde de Noreña y Xixón y fiu bastardu de Enrique II de Castiella, y de Sabela de Portugal, señora de Viseu y fía bastarda de Fernando I de Portugal.
En 1446 foi fechu primer conde d'Odemira por Alfonso V de Portugal, y en 1448 concedió-y el señoríu de Portalegre xunto col castiellu del mesmu nome. Amás, foi señor d'Aveiro, alcalde mayor d'Elvas y Estremoz, y comendador mayor de la Orde de Santiago.
El 12 de marzu de 1449 foi nomáu pol Conseyu Real gobernador y capitán xeneral de Ceuta, y tuvo en cargu hasta'l 30 de xunu de 1460, tornando otra vuelta pa Portugal. Tres años más sero acompañó a Alfonso V a la conquista de Tánxer.
Casoriu y descendencia
Casó embaxo carta de dote otorgada en 1434 con Méncia de Sousa y Ataíde, cuarta señora de Mortágua y Vimieiro, fía de Gonçalo Eanes de Sousa, tercer ñetu d'Alfonso III de Portugal; y de Filipa d'Ataíde, y foron pas de:
- Maria de Noronha y Sousa (1440 - ?), quinta señora de Mortágua, Aveiro y Vimieiro, segunda condesa d'Odemira, casada con Alonso de Braganza y Castro, primer conde de Faro.
Amás, fuera'l matrimoniu Sancho tuvo como fíu bastardu a:
- Luís de Noronha (1420 - ?), comandante de Sines; casáu con María Lobo.
Bibliografía
Datos: Q9073824
